img 1614074732 5

محکمہ تعلیم میں میرٹ کاقیام اولین ترجیح ہے:راجہ اعظم خان- روزنامہ اوصاف

شگر( نامہ نگار) صوبائی وزیر تعلیم راجہ اعظم خان نے کہا ہے کہ محکمہ تعلیم میں میرٹ کا قیام ان کی اولین ترجیح ہے۔ انہوں نے چھورکاہ شگر میں گرلز ہائیرسکنڈری سکول کی قیام اور پانچ پرائمری سکول تعمیر کرنے کا اعلان۔صوبائی وزیر تعلیم کا وزارت سنبھالنے کے بعد پہلی بار چھورکاہ آمد ۔کھلاڑیوںکی جانب سے بھر پور استقبال کیا گیا انہیں ریلی کی شکل میں ہائی سکول تک پہنچا دیا گیا ہائی سکول کے مین دروازے پر ہار پہنا کر مبارکبادیاں دیں تفصیلات کے مطابق صوبائی وزیر تعلیم راجا اعظم خان نے پیر کے

​​​​​​​روز چھورکاہ کا دورہ کیا اس موقع پر بوائز ہائی سکول چھورکاہ میں ایک تقریب کاانعقاد کیا گیا اس موقع پر خطاب کرتے ہوئے راجا اعظم خان نے کہا کہ شگر میں فروغ تعلیم کے لئے پر عزم ہوں اور شگر بھر میں معیاری تعلیم عام کرنے کی ہر ممکن کوشش کی جائے گی انہوں نے کہا کہ میرے اوپر چھورکاہ والوں کے ایسے ایسے احسانات ہیں جن کا ذکر اورشکریہ ادا کرنے کے لئے میرے پاس الفاظ نہیں ہیں انہوں نے کہا کہ چھورکاہ والوں کے احسانات ناقابل فراموش ہے ان کی کاوشوں کی بدولت آج اس عہدے پر ہوں انہوں نے کہا کہ چھورکاہ میں گرلز ہائر سیکنڈری سکول کی منظوری لانا میری اولین ترجیحات میں شامل ہیں اور بہت جلد گرلز ہائیر سکینڈری سکول شروع کرائیں گے ساتھ ساتھ پانچ پرائمری سکول تعمیر کئے جائیں گے اور چھورکاہ میں ضرورت کو ملحوظ نظر رکھ کر مرحلہ وار تعمیر کیا جائے گا شگر میں اساتذہ کی کمی کا سامنا ہے انشاء اللہ اساتذہ کی کمی کو ہر ممکن کوشش کرکے پورا کیا جائے گا اور چھورکاہ میں جگہ جگہ لنگ روڈ بھی تعمیر کریں گے تاکہ عوامی مشکلات کم ہوسکیں ۔

اپنا تبصرہ بھیجیں