img 1613628642 6

سینیٹ الیکشن:حفیظ شیخ کی نامزدگی الیکشن کمیشن میں چیلنج

اسلام آباد(روزنامہ اوصاف)وزیر خزانہ عبدالحفیظ شیخ کی سینیٹ انتخابات کیلئے نامزدگی الیکشن کمیشن میں چیلنج کردی گئی اور قومی اسمبلی میں سینیٹ کی ووٹنگ موخر کرنے لیے حکم امتناع طلب کرلیا۔نجی ٹی وی کے مطابق الیکشن کمیشن میں شاہد اورکزئی نے وزیر خزانہ عبدالحفیظ شیخ کی نامزدگی کیخلاف درخواست دائر کردی، جس میں استدعا کی ہے کہ سینیٹ انتخابات کے لئے وفاقی وزیر کے کاغذات نامزدگی مسترد کئے جائیں۔درخواست گزار نے سوال کیا کیا آرٹیکل 91 کے تحت وفاقی وزیر ایوان بالا کے لیےنامزد کیا جا سکتا ہے؟
 

وزیر خزانہ کی تقرری لاہور ہائی کورٹ میں بھی چیلنج کی گئی ہے۔درخواست میں قومی اسمبلی میں سینیٹ کی ووٹنگ موخر کرنے لیے حکم امتناع بھی طلب کیا گیا ہے۔یاد رہے 17 فروری کو اسلام آباد سے سینیٹ کی نشست کے لئے وزیر خزانہ کے کاغذات نامزدگی منظور کئے گئے تھے ، سینیٹ انتخابات کیلئے پاکستان تحریک انصاف کے 52 امیدواروں کی جانب سے کاغذات نامزدگی جمع کرائے گئے جبکہمسلم لیگ ن 19 امیدوروں کے ساتھ دوسرے نمبر اور پیپلزپارٹی 18 امیدواروں کےساتھ تیسرےنمبر پر ہے۔خیال رہے چاروں صوبوں میں امیدواروں کے کاغذات نامزدگی کی جانچ کا عمل شام کو مکمل ہوگا جبکہ سینیٹ انتخابات کے لیے 3 مارچ کوچاروں صوبائی اور قومی اسمبلی میں پولنگ ہوگی ،پولنگ کا عمل صبح 9 سے لے کر شام 5 تک جاری رہے گا۔

اپنا تبصرہ بھیجیں