img 1613996180 5

استور،گوریکوٹ وگردونواح میں 4ماہ سے پانی کی ترسیل معطل،عوام کومشکلات سامنا- روزنامہ اوصاف

استور(لیاقت علی)گزشتہ 4 ماہ سے واٹر سپلائی بند ،لوگوں کو شدید مشکلات کا سامنا انتظامیہ اور حکومت خاموش تماشائی عوام کا کوئی پرسان حال نہیں۔ضلعی ہیڈکوارٹر گوریکوٹ سمیت پتی گیریکے اور دوئی داس جو کہ دو سو گھرانوں پر مشتمل ہے کی قسمت نہیں بدل سکی مسائل و مشکلات کم ہونے اور ختم ہونے کا نام نہیں لے رہے ہیں گزشتہ چار مہینوں سے واٹر سپلائی

بند ہونے کی وجہ لوگ پانی کی بوند بوند کے لئے ترس رہے ہیں پانی کی ترسیل نہیں ہونے کی وجہ علاقہ مکینوں کو پانی کے حصول کے لئے دریا کا رخ کرنا پڑ رہا ہے جو خواتین کے لئے کسی بڑی تکلیف اور مصیبت سے کم نہیں ہے علاقہ مکینوں نے کہیں بار حکام بالا سے اپیل کرنے کے باوجود کوئی ٹس و مس نہیں عوام اپنی مدد آپ پانی کی ترسیل کو بحال کرنے میں مصروف عمل ہے اور اس کے ساتھ ساتھ 2015 میں ڈوموسر نالے میں لینڈ سلائیڈنگ آنے کی وجہ سے پتی گیریکے اور دوئی داس کو بازار ایریا سے ملانے والا اکلوتا پل کو بہا کر لے گیا جو تاحال نہ بن سکا جس کی وجہ سے لوگوں کو شدید مشکلات کیساتھ ساتھ جانی و مالی نقصانات کا بھی زیادہ خدشہ ہے علاقہ مکینوں کا کہنا ہے کہ ہم سی ایم جی بی چیف سیکریٹری جی بی سے اپیل کرتے ہیں کہ جلد از جلد پل کے تعمیر کو یقینی بنانے کے ساتھ ساتھ تمام مسائل کو حل کریں اور متعلقہ محکمے کے عہدیداران کے خلاف سخت سے سخت نوٹس لے کر انکے خلاف کارووائی عمل میں لائی جائیں۔

اپنا تبصرہ بھیجیں